Google ADS

Komisioni për të Drejtat e Njeriut, Barazi Gjinore, për Persona të Pagjetur dhe Peticione, ngushëllon familjen Musliu

18:16 | 6 Maj 2020
Arbresh.info

Komisioni për të Drejtat e Njeriut, Barazi Gjinore, për Persona të Pagjetur dhe Peticione, në mbledhjen e sotme, pasi diskutoi lidhur me rastin e vetëvrasjes së të riut Agon Musliu nga Gjilani, i izoluar në Qendrën e Studentëve, i ka dërguar një telegram ngushëllimi familjes së të ndjerit.

“Ju lutem, pranoni ngushëllimet tona më të sinqerta me rastin e humbjes së jetës së djalit tuaj. Anëtarët e Komisionit shprehin dhimbjen e madhe bashkë me Familjen tuaj në këtë kohë të vështirë dhe do të jenë në dispozicion në zbardhjes së më të shpejtë të këtij rasti.

Ftojmë të gjitha institucionet dhe mekanizmat kompetentë hetimorë që të merren me këtë rast dhe që sa më parë që është e mundur të dalë në shesh e vërteta se si erdhi deri te ky rast tragjik, i cili na ka shqetësuar pa masë të gjithë neve”, thuhet në telegramin e komisionit, të nënshkruar nga kryetari Rasim Demiri. /arbresh.info

Shpërndaje në rrjete sociale

Lajmet më të lexuara

Të ngjashme

Foto lajm